पटवर्धन कुरोली, ता. २१: पंढरपूर येथील बसस्थानकावर तीन दिवसांपासून पडून असलेल्या निराधार आजीच्या मदतीला कॉलेजमधील काही तरुण आले. त्यांनी त्या आजीला शासकीय रुग्णालयात उपचाराकरिता दाखल करून मायेची उब मिळवून दिली.
पटवर्धन कुरोली (ता. पंढरपूर) येथील बरीच मुले पंढरपूर येथे शिक्षणासाठी जातात. एस. टी. चा पास असल्याने दररोज त्या मुलांना एस. टी. नेच प्रवास करावा लागतो. नेहमी प्रमाणे ही मुले गावाकडे जायला निघाली असताना त्यांना बसस्थानकावर तीन दिवसांपासून पडून असलेली एक वृद्ध महिला दिसली. दोन दिवसांपासून त्यांना ती वयोवृद्ध आजी दिसत होती. परंतु तिच्याकडे सर्व प्रवाशांप्रमाणे यांनीही दुर्लक्षच केले होते. परंतु त्यांनी आज त्या आजीची विचारपूस करायचे ठरवले. त्यावेळेस त्या आजीकडे असणाऱ्या आधार कार्ड वरून तिचे नाव मालन शामराव जगताप, अर्जुन सिंह नगर, माळेवाडी, अकलूज (ता. माळशिरस) असल्याचे मुलांना समजले. मुलांनी त्या आजीला विचारले असता, मुलगा पुणे येथे नोकरीला असून मुलानेच येथे सोडले असल्याचे त्यांनी सांगितले. दोन – तीन दिवसांपासून पोटात काही नसल्याने त्या आजीच्या तोंडातून शब्दही निघत नव्हते. या मुलांनी पाणी, चहा, बिस्कीट आणून त्या आजीला दिले. त्यांनतर या विद्यार्थ्यांनी बस स्थानकावर असलेल्या अधिकाऱ्याला याविषयी माहिती दिली. त्यांनी त्या ठिकाणी भेट दिली परंतु त्यापुढे त्यांनी कोणतेही पाऊल उचलत नाहीत हे लक्षात येताच स्वप्नील राऊत या विध्यार्थ्याने स्लाईस फौंडेशनच्या माध्यमातून निराधारांना आधार देणाऱ्या योगेश मालखरे यांच्याशी संपर्क साधण्याचा प्रयत्न केला, परंतु त्यांच्याशी संपर्क न झाल्याने १०८ या टोल फ्री वर फोन लावून सदराची माहिती त्यांना दिली. त्यानंतर अवघ्या दहाच मिनिटात शासकीय रुग्णवाहिका त्या ठिकाणी आली. रुग्णवाहिका पाहताच बघ्यांची गर्दी वाढू लागली. या युवकांनी त्या आजीला रुग्णवाहिकेत बसवून शासकीय रुग्णालयात उपचाराकरिता पाठवून दिले.
एका निराधार असलेल्या आजीला कर्मवीर भाऊराव पाटील महाविध्यालयातील प्रवीण गोसावी, सचिन नाईकनवरे, बालाजी उपासे, महेश उपासे, गणेश पाटील, जगदीश डावरे, शहाजी नाईकनवरे, रोहित उपासे, स्वप्नील राऊत, राहूल नाईकनवरे, मृणाल मगर, समाधान पाटील, कुणाल वाघमारे यांनी दिलदारपणा दाखत वेळेवर मदत मिळवून दिल्याबद्दल या विध्यार्थ्यांचे सर्वत्र कौतुक होत आहे.
पटवर्धन कुरोली (ता. पंढरपूर) येथील बरीच मुले पंढरपूर येथे शिक्षणासाठी जातात. एस. टी. चा पास असल्याने दररोज त्या मुलांना एस. टी. नेच प्रवास करावा लागतो. नेहमी प्रमाणे ही मुले गावाकडे जायला निघाली असताना त्यांना बसस्थानकावर तीन दिवसांपासून पडून असलेली एक वृद्ध महिला दिसली. दोन दिवसांपासून त्यांना ती वयोवृद्ध आजी दिसत होती. परंतु तिच्याकडे सर्व प्रवाशांप्रमाणे यांनीही दुर्लक्षच केले होते. परंतु त्यांनी आज त्या आजीची विचारपूस करायचे ठरवले. त्यावेळेस त्या आजीकडे असणाऱ्या आधार कार्ड वरून तिचे नाव मालन शामराव जगताप, अर्जुन सिंह नगर, माळेवाडी, अकलूज (ता. माळशिरस) असल्याचे मुलांना समजले. मुलांनी त्या आजीला विचारले असता, मुलगा पुणे येथे नोकरीला असून मुलानेच येथे सोडले असल्याचे त्यांनी सांगितले. दोन – तीन दिवसांपासून पोटात काही नसल्याने त्या आजीच्या तोंडातून शब्दही निघत नव्हते. या मुलांनी पाणी, चहा, बिस्कीट आणून त्या आजीला दिले. त्यांनतर या विद्यार्थ्यांनी बस स्थानकावर असलेल्या अधिकाऱ्याला याविषयी माहिती दिली. त्यांनी त्या ठिकाणी भेट दिली परंतु त्यापुढे त्यांनी कोणतेही पाऊल उचलत नाहीत हे लक्षात येताच स्वप्नील राऊत या विध्यार्थ्याने स्लाईस फौंडेशनच्या माध्यमातून निराधारांना आधार देणाऱ्या योगेश मालखरे यांच्याशी संपर्क साधण्याचा प्रयत्न केला, परंतु त्यांच्याशी संपर्क न झाल्याने १०८ या टोल फ्री वर फोन लावून सदराची माहिती त्यांना दिली. त्यानंतर अवघ्या दहाच मिनिटात शासकीय रुग्णवाहिका त्या ठिकाणी आली. रुग्णवाहिका पाहताच बघ्यांची गर्दी वाढू लागली. या युवकांनी त्या आजीला रुग्णवाहिकेत बसवून शासकीय रुग्णालयात उपचाराकरिता पाठवून दिले.
एका निराधार असलेल्या आजीला कर्मवीर भाऊराव पाटील महाविध्यालयातील प्रवीण गोसावी, सचिन नाईकनवरे, बालाजी उपासे, महेश उपासे, गणेश पाटील, जगदीश डावरे, शहाजी नाईकनवरे, रोहित उपासे, स्वप्नील राऊत, राहूल नाईकनवरे, मृणाल मगर, समाधान पाटील, कुणाल वाघमारे यांनी दिलदारपणा दाखत वेळेवर मदत मिळवून दिल्याबद्दल या विध्यार्थ्यांचे सर्वत्र कौतुक होत आहे.
No comments:
Post a Comment