शिक्षक दिनाचे ऒचित्य विद्यार्थी झाले शिक्षक

पटवर्धन कुरोली, ता. ०६: नांदोरे (ता.पंढरपूर) येथील एस.पी. पब्लिक स्कूल मध्ये शिक्षक दिना  निमित्त विध्यार्थ्यानी दिवसभर शाळेचे सर्व कामकाज सांभाळले आणि स्वत: शिक्षकाची जबाबदारी घेऊन आगळ्या वेगळ्या पद्धतीने शिक्षक दिन साजरा करण्यात आला.

प्रारंभी माजी राष्ट्रपती डाॅ.सर्वपल्ली राधाकृष्णन आणी क्रांतीज्योती सावित्रीबाई फुले यांच्या प्रतिमेचे पूजन मान्यवरांच्या हस्ते करण्यात आले. कार्यक्रमाच्या अध्यक्षस्थानी शालेय व्यवस्थापन समितीचे अध्यक्ष युवराज सातुरे होते. यावेळी शालेय व्यवस्थापन समितीचे उपाध्यक्ष पत्रकार अण्णासाहेब पवार, संस्थेचे अध्यक्ष डॉ. संतोष वलगे, सचिव अश्वराज वाघ, प्रकल्प संचालिका वासंती वलगे, मुख्याध्यापिका स्वाती चव्हाण उपस्थित होते.   यावेळी प्रशालेतील इयत्ता सातवी आणि आठवीच्या विद्यार्थ्यांनी कार्यक्रमाचे नियोजन केले होते. तसेच शिक्षकांना सुट्टी देऊन दिवसभर शाळेचे कामकाज पहिले. यावेळी स्नेहा काळे, तेजस शिंदे, विशाल कोळी, सायली भुते, अभिषेक कांबळे या विद्यार्थ्यांनी आपल्या मनोगतातून शिक्षकांबद्दल आदर व्यक्त केला. यावेळी मान्यवरांच्या हस्ते विविध शालेय क्रीडा स्पर्धांमध्ये प्राविण्य मिळविलेल्या खेळाडूंचा गौरव करण्यात आला.

यावेळी नितीन पवार, संतोष कांबळे यांच्यासह प्रशालेतील सर्व शिक्षक, विध्यार्थी मोठ्या संख्येने उपस्थित होते. कार्यक्रमचे सूत्रसंचालन अपेक्षा सातुरे, सिद्धी भोसले यांनी केले. प्रास्ताविक युवराज चव्हाण याने केले. आभार हर्षदा भिंगारे हिने मानले.