‘व्हॉट्सअॅप’साठी पैसे मोजावे लागणार?

नवी दिल्ली: लवकरच तुमच्यावर बापरे! म्हणण्याची वेळ येण्याची शक्यता आहे. कारण लोकप्रिय मेसेजिंग अॅप्लिकेशन असलेले 'व्हॉट्सअॅप' वापरण्यासाठी पैसे मोजावे लागण्याची शक्यता आहे. सध्या जगातील सर्वाधिक लोकप्रिय मेसेजिंग अॅप असलेले 'व्हॉट्सअॅप'चे सुमारे 100 कोटींहून अधिक वापरकर्ते आहेत. कंपनीच्या अधिकार्‍यांनी दिलेल्या माहितीनुसार, कंपनी 'व्हॉट्सअॅप'साठी पैसे घेण्याची शक्यता आहे. 'व्हॉट्सअॅप'वर पैसे घेतल्यास कंपनीला म्हणजेच 'व्हॉट्सअॅप'ची पालक कंपनी असलेल्या 'फेसबुक'ला यातून मोठा फायदा होण्याची शक्यता आहे.
‘वॉल स्ट्रीट जर्नल’ने दिलेल्या माहितीनुसार, व्हॉट्सअॅप रोज नवनवीन फिचर्स लोकांसाठी आणत असते. आता त्यात आणखी काही नवीन फिचर्सची चाचणी घेतली जात आहे. त्यानुसार 'व्हॉट्सअॅप' वापरणार्‍यांना थेट आवडत्या कंपन्यांबरोबर थेट संवाद साधता येणार आहे. शिवाय लहान कंपन्यांना मोफत व्हॉट्सअॅप बिझनेस अॅप्लिकेशन देणार उपलब्ध करून देण्यात येणार आहे. ज्यामध्ये नव्या अॅपमध्ये व्यापार वाढवण्यासाठी कंपन्यांना खास टूल्स देण्यात येणार आहेत. कंपन्यांना देखील एकाच वेळेस लाखो लोकांशी संवाद साधता येणार आहे. याचा विमान कंपन्या आणि ई-कॉमर्स कंपन्याना एकाच वेळेस हजारो लोकांपर्यंत कमीत कमी वेळेत पोचता येणार आहे.