पटवर्धन कुरोली,ता. २३: नांदोरे (ता.पंढरपूर ) येथील ज़िल्हा परिषद शाळेने केंद्रस्तरीय क्रीडा स्पर्धेत सर्व साधारण विजेते पद मिळविल्या बद्दल ग्रामपंचायतीच्या वतीने शिक्षक व विद्यार्थ्यांचा सत्कार करण्यात आला.
पटवर्धन कुरोली प्रशाला येथे पटवर्धन कुरोली केंद्रस्तरीय क्रीडा स्पर्धेचे आयोजन करण्यात आले होते.या स्पर्धेत जि.प.नांदोरे शाळेने लहान गटात मुलांनी खो-खो ,लंगडी ,कबड्डी मध्ये विजेतेपद तसेच खो -खो,लंगडी मध्ये मुलींनी विजेतेपद पटकाविले .मोठ्या गटातही मुलांनी खो-खो,कबड्डी ,लंगडी मध्ये विजेतेपद आणि खो-खो, लंगडी मध्ये मुलींनी विजेतेपद पटकावले.वैयक्तीक स्पर्धेतही लहान गट मुले १०० व २००मी धावणे शुभम करांडे प्रथम ,बुद्धिबळ ओम जाधवपाटील प्रथम.लहान गट मुली१०० व२०० मी धावणे तेजश्री करांडे प्रथम ..मोठा गट मुले १००मी धावणे स्वप्नील कदम प्रथम ,२०० मी धावणे वैभव गायकवाड प्रथम .मोठा गट मुली १०० मी धावणे निकिता करांडे प्रथम ,२०० मी धावणे कोमल कदम प्रथम,बुद्धिबळ साक्षी वाघ प्रथम क्रमांक अशी सर्व मिळून२० विजेतेपद पटकावले .
तसेच प्रोत्साहन म्हणून अध्यक्ष विजयदादा भिंगारे यांच्या प्रयत्नातून ग्रामपंचायत नांदोरे कडून सर्व स्पर्धक व शिक्षक यांना छापील टी-शर्ट चे वाटप करण्यात आले .यावेळी ग्रामपंचायत सदस्य हनुमंत कांबळे , समाधान व्हनमाने ,तंटामुक्ती समिती अध्यक्ष सचिन कदम ,आजिनाथ भिंगारे ,नामदेव कदम ,ग्रामसेवक प्रशांत कुंभार ,कर्मचारी बापू कांबळे,नूतन पोलीस पाटील प्रा.सचिन पुजारी ,शाळा व्यवस्थापन समिती अध्यक्ष विजयदादा भिंगारे ,मुख्याध्यापक चंद्रकांत रसाळ ,विलास घाडगे ,अनिल धायगुडे ,सोमनाथ जाधव पाटील , विजयकुमार जवळेकर शिक्षक व अन्य मान्यवर उपस्थित होते .यावेळी जि.प.शाळेला उपस्थित मान्यवरांनी पुढेही सहकार्य करण्याचे आश्वासन देवून सर्व विजेते मुलांचे अभिनंदन केले .रसाळ सरांनी सर्व उपस्थित मान्यवरांचे आभार मानले ....
No comments:
Post a Comment