चेअरमन पदी पांडुरंग नाईकनवरे तर व्हा.चेअरमन पदी दत्तात्रय साळुंखे

पंढरपूर, ता. ०६: पंढरपूर येथील पंढरपूर नागरी सहकारी पतसंस्थेच्या अध्यक्षपदी पांडुरंग उत्तम  नाईकनवरे यांची तर उपाध्यक्ष पदी दत्तात्रय विठ्ठल  साळुंखे यांची बिनविरोध निवड झाली.  नुकतीच पंढरपूर नागरी सहकारी पतसंस्थेची निवडणूक बिनविरोध निवड झाली होतीनवीन अध्यक्ष उपाध्यक्ष पदाच्या निवडीसाठी निवडणूक निर्णय अधिकारी सहाय्यक निबंधक पी.टी.घुगे यांनी नुतन संचालकाची बैठक बोलाविली होती.  यावेळी सुधाकर कवडे, सिद्धेश्वर उपासे, मोहन कोळी, दत्तात्रय मोरे, अनिल कारंडे,पांडुरंग नाईकनवरे, दत्तात्रय साळुंखे, रोहिणी डावरे, सुनिता जाधव हे उपस्थित होते. यावेळी अध्यक्ष पदासाठी पांडुरंग नाईकनवरे तर उपाध्यक्ष पदासाठी दत्तात्रय साळुंखे यांचा एकमेव अर्ज आल्याने त्यांची बिनविरोध निवड करण्यात आल्याचे निवडणूक निर्णय अधिकारी श्री. घुगे यांनी जाहीर केले. यावेळी नुतन अध्यक्ष, उपाध्यक्ष,  संचालक यांचा सत्कार श्री. घुगे यांच्या हस्ते करण्यात आला. यावेळी व्यवस्थापक मोहन डावरे, अॅड. संतोष नाईकनवरे,  अविनाश ठोंबरे, अजय जवारे, मनोहर नारायण उपासे उपस्थित होते.