तुकाराम नाईकनवरे यांची चेअरमन पदी निवड

पटवर्धन कुरोली, ता.२०: पटवर्धन कुरोली (ता.पंढरपूर)  येथील विविध विकास कार्यकारी सेवा सहकारी सोसायटी च्या चेअरमन पदी तुकाराम लक्ष्मण नाईकनवरे यांची तर व्हाईस चेअरमन पदी सिकंदर मुबारक शेख यांची निवड करण्यात आली. सोसायटी चे अध्यक्ष समाधान नाईकनवरे व व्हाईस चेअरमन विजय काळे राजीनामा दिल्याने रिक्त झालेल्या चेअरमन व व्हाईस चेअरमन निवडीसाठी निवडणूक निर्णय अधिकारी श्री. सावंत  यांच्या अध्यक्षतेखाली संचालकाची बैठक घेण्यात आली.यावेळी समाधान नाईकनवरे, केशव पाटील मेघशाम काटकर, मधूकर जाधव,धर्मराज खेडेकर,बळीराम उपासे, मुरलीधर चव्हाण, तुकाराम नाईकनवरे, सिकंदर शेख, तानाजी मगर, विजय काळे, भामाबाई रामचंद्र उपासे, सुमन गणपत नाईकनवरे हे उपस्थित होते. यावेळी चेअरमन  पदासाठी तुकाराम नाईकनवरे यांचा तर सिकंदर शेख व्हाइस.चेअरमन पदासाठी प्रत्येकी एकच अर्ज दाखल करण्यात आल्याने निवडणूक निर्णय अधिकारी श्री. सावंत  यानी बिनविरोध निवड झाल्याचे जाहीर केले. यावेळी नुतन अध्यक्ष व उपाध्यक्ष यांचा सत्कार पंचायत समितीचे माजी सभापती दिनकर नाईकनवरे यांच्या हस्ते सत्कार करण्यात आला. यावेळी तंटामुक्त समितीचे अध्यक्ष धैर्यशील नाईकनवरे, पंडित तवटे  ,धर्मराज काटकर, नागेश उपासे, विठ्टल मगर, रमेश जवळेकर भालचंद्र उपासे, पांडुरंग राजमाने यांच्यासह परिचारक गटाचे कार्यकर्ते उपस्थित होते.