एस.पी स्कूलमध्ये भरला आनंद बाजार पालकांचा उस्फुर्त प्रतिसाद

पटवर्धन कुरोली, ता.१९:  नांदोरे (ता.पंढरपूर) येथील एस.पी.पब्लिक स्कूलमधील विद्यार्थ्यांनी बाल आनंद मेळाव्याच्या निमित्ताने आनंद बाजार भरविला. विद्यार्थ्यांनी विविध वस्तू व भाजीपाला विक्री करीत खरेदी-विक्रीचा अनुभव घेतला. भाजीपाला खरेदीसाठी पालक व गावकऱ्यांनी उत्साह दाखविला. विद्यार्थ्यांच्या बाजारात सर्वात जास्त गर्दी पहायला मिळत होती ती म्हणजे खाद्य पदार्थांच्या स्टॉलवर. सर्व ग्रामस्थांनी या बाजाराला भेट देऊन वस्तू विकत घेत विद्यार्थ्यांना उत्तम प्रतिसाद दिला.  विशेष म्हणजे या आनंद बाजारात अवघ्या तीन तासात सुमारे  ५२४००रुपयांची उलाढाल झाली.

 यानिमित्ताने विद्यार्थ्यांनी व्यवहार ज्ञानाचे धडे गिरविले. शाळेतील इयत्ता पहिली ते नववीच्या  विद्यार्थ्यांनी यामध्ये सहभाग नोंदविला.  एकशे नव्वद विद्यार्थ्यानी भेंडी, वांगी, मेथी, कोथिंबीर, भोपळा, शेपू, पालक, टोमॅटो, आळुची पाने, लिंबू, आवळा अशा विविध प्रकारच्या भाज्या, गुलाबजाम, , ढोकळा, भजे, वडा, समोसे, भेळ  , इमिटेशन ज्वेलरी, शैक्षणिक साहित्य  विक्रीस आणले होते. या बाजाराचे उदघाटन विजय भिंगारे व प्रकाश गायकवाड यांच्या हस्ते करण्यात आले. यावेळी विविध  खाद्य पदार्थ व भाजीपाला खरेदी करण्यासाठी पालक व गावकऱ्यांची झुंबड उडाली होती. पाच, दहा, वीस रूपयांत भाज्या मिळत असल्याने ग्रामस्थांच्या चेहऱ्यावर खरेदीचा उत्साह पहावयास मिळाला. 

    आनंद बाजार संकल्पनेतून विद्यार्थ्यांना व्यवहारिक ज्ञानाचे शिक्षण मिळाले. प्रकल्प  संचालिका वासंती वलगे,मुख्याध्यापिका स्वाती चव्हाण ,  सहशिक्षिका पवार,देशमुख ,पिसे, जानकर, भोसले, मुलाणी,बोबडे,पांढरे, कोरके, माने व सह शिक्षक श्री.कचरे, श्री.तेली,श्री.ढावरे, श्री.थिटे,श्री.अलगुडे,श्री.साठे,श्री.पवार, श्री.टरले यांच्या संकल्पनेतून आनंद बाजार साकारला. या बाजारास भेट देत संस्थचे अध्यक्ष डाॅ. संतोष वलगे, सचिव अश्वराज वाघ, खजिनदार विक्रम भिंगारे  शाळा व्यवस्थापन समितीचे अध्यक्ष युवराज सातुरे यांच्यासह ग्रामस्थ व पालकांनी या उपक्रमाचे कौतुक करीत विद्यार्थ्यांचा उत्साह वाढविला. कार्यक्रम यशस्वी करण्यासाठी   शशिकांत वळेकर,योगेश व्यवहारे, बंडू शिरसट, बंडू मुटकुळे, सचिन कदम, आकाश शिंदे, बंडू कांबळे यांनी अथक परिश्रम घेतले. यावेळी संस्थेच्या वतीने माता पालकांसाठी हळदी कूंकू कार्यक्रम संपन्न झाला.यावेळी दोनशेच्यावर मातापालक उपस्थित होत्या .