पटवर्धन कुरोली, ता.२४: महाराष्ट्रात कोरोना रुग्णांची वाढती संख्यामुळे साखर कारखान्यांना कोव्हिड सेंटर उभा करण्याच्या सुचना द्याव्यात अशी मागणी सोलापूर जिल्हा राष्ट्रवादी काँग्रेस पदवीधर चे जिल्हाध्यक्ष सुग्रीव कोळी यांनी मुख्यमंत्री उध्दव ठाकरे यांच्याकडे निवेदनाद्वारे केली आहे. महाराष्ट्र राज्यात कोरोना बाधित रुग्णांची संख्या दररोज वाढत आहे. त्यामुळे बेडची मोठ्या प्रमाणावर कमतरता भासत आहे. त्यामुळे मृत्यू चे प्रमाण वाढले आहे. त्यामुळे राज्यातील सहकारी तसेच खाजगी साखर कारखान्याना कोविड सेंटर उभा करण्याच्या सुचना द्याव्यात. त्यामुळे ग्रामीण भागातील लोकांना बेड उपलब्ध होतील. तसेच सरकारी व खाजगी हाॅस्पीटलचा ताण कमी होउ शकेल. तरी आपण या सर्व गोष्टींचा विचार करुन राज्यातील सर्व कारखानदारांना कोविड सेंटर उभारण्याच्या सुचना कराव्यात अशी मागणी केली आहे.
